എന്താണ് കാർപൽ ടണൽ സിൻഡ്രോം അല്ലെങ്കിൽ മീഡിയൻ നെർവ് കംപ്രഷൻ? അതിന്റെ ചികിത്സകൾ എന്തെല്ലാം ?

എന്താണ് കാർപൽ ടണൽ സിൻഡ്രോം?

കാർപൽ ടണലിലൂടെ മീഡിയൻ നാഡി കടന്നുപോകുന്നു. ഇങ്ങനെ പോകുന്ന മീഡിയൻ നാഡി ഞെരുക്കപ്പെടുമ്പോഴാണ് കാർപൽ ടണൽ സിൻഡ്രോം ഉണ്ടാകുന്നത് . കൈത്തണ്ടയുടെ മുകൾഭാഗത്തുള്ള തിരശ്ചീന കാർപൽ ലിഗമെന്റും കൈത്തണ്ടയുടെ അടിഭാഗത്തുള്ള കാർപൽ അസ്ഥികളും ചേർന്ന് രൂപം കൊള്ളുന്ന നിങ്ങളുടെ കൈത്തണ്ടയിലെ സുഷിരത്തെയാണ് കാർപൽ ടണൽ സൂചിപ്പിക്കുന്നത്. മീഡിയൻ നാഡി 3 നടുവിരലുകൾക്കും തള്ളവിരലിനും ചലനശേഷി, സ്പർശന ശേഷി പ്രവർത്തനങ്ങൾ അനുവദിക്കുന്നു. ഇത് പ്രകോപിപ്പിക്കപ്പെടുകയോ ഞെരുക്കപ്പെടുകയോ ചെയ്താൽ, നിങ്ങൾക്ക് രോഗലക്ഷണങ്ങൾ ഉണ്ടാകാം.

എന്താണ് കാർപൽ ടണൽ സിൻഡ്രോമിന് കാരണമാകുന്നത്?

സാധാരണയായി കാർപൽ ടണൽ സിൻഡ്രോം ഉണ്ടാകാൻ പ്രത്യേക കാരണങ്ങളൊന്നുമില്ല. എന്നാൽ ഇനിപ്പറയുന്നവയിൽ ഏതെങ്കിലും കാരണങ്ങൾ മൂലം ഇത് വരാം:

• കൈകൾ കൊണ്ട് ആവർത്തിച്ചുള്ള ചലനങ്ങൾ മൂലം. ഉദാഹരണത്തിന് ഒരു കീബോർഡ് അല്ലെങ്കിൽ ടൈപ്പിംഗ് പോലെയുള്ള ജോലികൾ ചെയ്യുന്നത്.

• പാരമ്പര്യം

• ചില ശാരീരിക പ്രവർത്തനങ്ങളും സ്‌പോർട്‌സും പോലെ കൈകൾ കൊണ്ട് ചെയ്യുന്ന ആവർത്തിച്ചുള്ള ചലനങ്ങൾ

• അസ്ഥി അല്ലെങ്കിൽ സന്ധി രോഗം - ഉദാഹരണത്തിന്, ഓസ്റ്റിയോ ആർത്രൈറ്റിസ്, ആർത്രൈറ്റിസ് അല്ലെങ്കിൽ റൂമറ്റോയ്ഡ് ആർത്രൈറ്റിസ് എന്നിവ ഉണ്ടെങ്കിൽ .

• ഉപാപചയ മാറ്റങ്ങൾ അല്ലെങ്കിൽ ഹോർമോൺ മാറ്റങ്ങൾ - ഉദാഹരണത്തിന്, ഗർഭധാരണം, ആർത്തവവിരാമം അല്ലെങ്കിൽ തൈറോയ്ഡ് അസന്തുലിതാവസ്ഥ

• രക്തത്തിലെ പഞ്ചസാരയുടെ അളവിലെ ഗുരുതരമായ മാറ്റങ്ങൾ - ഉദാഹരണത്തിന്, ടൈപ്പ് 2 പ്രമേഹം.

• കൈത്തണ്ടയിലെ മറ്റ് പരിക്കുകൾ - ഉദാഹരണത്തിന്, സ്ഥാനഭ്രംശം, ആയാസം, ഒടിവ്, ഉളുക്ക്, വീക്കം അല്ലെങ്കിൽ നീര്.

കാർപൽ ടണൽ സിൻഡ്രോം ഉണ്ടാകാനുള്ള സാധ്യത ആർക്കാണ് കൂടുതൽ ?

സ്ത്രീകൾക്ക് കാർപൽ ടണൽ സിൻഡ്രോം ഉണ്ടാകാനുള്ള സാധ്യത പുരുഷന്മാരേക്കാൾ 3 മടങ്ങ് കൂടുതലാണ്. ഇത് സാധാരണയായി മുതിർന്നവരിൽ മാത്രമാണ് സംഭവിക്കുന്നത്. നിങ്ങൾക്ക് വൃക്ക തകരാർ അല്ലെങ്കിൽ പ്രമേഹം പോലുള്ള ആരോഗ്യപ്രശ്നങ്ങൾ ഉണ്ടെങ്കിൽ അപകടസാധ്യത കൂടുതലാണ്. ഈ അവസ്ഥകൾ നിങ്ങളെ നാഡി കംപ്രഷൻ, കാർപൽ ടണൽ സിൻഡ്രോം എന്നിവയ്ക്ക് ഇടയാക്കുന്നു.

കാർപൽ ടണൽ സിൻഡ്രോമിന്റെ ലക്ഷണങ്ങൾ എന്തൊക്കെയാണ്?

ഏറ്റവും സാധാരണയായി കാണപ്പെടുന്ന ചില ലക്ഷണങ്ങൾ ഇവയാണ്:

• വിരലുകളിൽ ഉണ്ടാകുന്ന തുളഞ്ഞുകയറുന്ന പോലുള്ള വേദന

• രണ്ടു കൈകൊണ്ടും വസ്തുക്കളെ പിടിക്കുമ്പോൾ ഉണ്ടാകുന്ന ബലഹീനത

• വീർത്ത വിരലുകൾ

• ഇരു കൈകളിലും ഉണ്ടാകുന്ന മരവിപ്പ് അല്ലെങ്കിൽ വേദന

• ഉറക്കത്തെ തടസ്സപ്പെടുത്തുന്ന രീതിയിൽ മരവിപ്പ് അല്ലെങ്കിൽ വേദന രാത്രിയിൽ കൂടുതൽ വഷളാകുന്നു

• വിരലുകളിൽ, പ്രത്യേകിച്ച് ചൂണ്ടുവിരൽ, തള്ളവിരൽ, നടുവിരലുകൾ എന്നിവയിൽ ഉണ്ടാകുന്ന പുകച്ചിൽ അല്ലെങ്കിൽ തരിപ്പ്

കാർപൽ ടണൽ സിൻഡ്രോമിന്റെ ലക്ഷണങ്ങൾ മറ്റ് ആരോഗ്യപ്രശ്നങ്ങളോ അവസ്ഥകളോ പോലെ തോന്നാം. രോഗനിർണയത്തിനായി എല്ലായ്പ്പോഴും നിങ്ങളുടെ ഓർത്തോപീഡിസ്റ്റിനെയോ ഡോക്ടറെയോ കാണുക.

കാർപൽ ടണൽ സിൻഡ്രോം എങ്ങനെയാണ് നിർണ്ണയിക്കുന്നത്?

നിങ്ങളുടെ ഓർത്തോപീഡിസ്റ്റ് അല്ലെങ്കിൽ ഫിസിക്കൽ തെറാപ്പിസ്റ്റ് നിങ്ങളുടെ ആരോഗ്യ ചരിത്രം പരിശോധിക്കുകയും പിന്നീട് നിങ്ങൾക്ക് ഒരു ശാരീരിക പരിശോധന ശുപാർശ ചെയ്യുകയും ചെയ്യും. നിങ്ങൾക്ക് ഇലക്‌ട്രോ ഡയഗ്നോസ്റ്റിക് പരിശോധനകളും അവർ ശുപാർശ ചെയ്‌തേക്കാം. കാർപൽ ടണൽ സിൻഡ്രോം നിർണ്ണയിക്കുന്നതിനുള്ള ഏറ്റവും മികച്ചതും കാര്യക്ഷമവുമായ മാർഗ്ഗമാണ് ഈ പരിശോധനകൾ. ഇലക്‌ട്രോ ഡയഗ്നോസ്റ്റിക് ടെസ്റ്റുകൾ നിങ്ങളുടെ കൈയിലെ ഞരമ്പുകളും പേശികളും എങ്ങനെ പ്രവർത്തിക്കുന്നുവെന്ന് കാണാൻ ഉത്തേജിപ്പിക്കുന്നു.

കാർപൽ ടണൽ സിൻഡ്രോം എങ്ങനെയാണ് ചികിത്സിക്കുന്നത്?

നിങ്ങളുടെ ഓർത്തോപീഡിസ്റ്റ് അല്ലെങ്കിൽ ഫിസിക്കൽ തെറാപ്പിസ്റ്റ് നിങ്ങളുമായി വിവിധ ചികിത്സാ മാർഗ്ഗങ്ങൾ ചർച്ച ചെയ്യും. ചികിത്സ പ്രധാനമായും നിങ്ങളുടെ പൊതു ആരോഗ്യം, പ്രായം, ലക്ഷണങ്ങൾ എന്നിവയെ ആശ്രയിച്ചിരിക്കും. ഇത് അവസ്ഥയുടെ തീവ്രതയെയും ആശ്രയിച്ചിരിക്കും.

ചികിത്സയിൽ ഇവ ഉൾപ്പെട്ടേക്കാം:

• സ്പ്ലിന്റുകളുടെ ഉപയോഗം : ഇത് നിങ്ങളുടെ കൈത്തണ്ട ചലിക്കാതിരിക്കാൻ സഹായിക്കുന്നു. ഇങ്ങനെ ചെയ്യുന്നതിലൂടെ ടണലിനുള്ളിലെ ഞരമ്പുകളുടെ കംപ്രഷൻ സുഗമമാകുന്നു.

• ആൻറി-ഇൻഫ്ലമേറ്ററി മരുന്നുകൾ : ഇവ വായിലൂടെ കഴിക്കുകയോ കാർപൽ ടണൽ സ്പേസിലേക്ക് കുത്തിവയ്ക്കുകയോ ചെയ്യാം. ഇവ വീക്കം കുറയ്ക്കാൻ സഹായിക്കുന്നു.

• ജോലിയിൽ വരുത്തുന്ന മാറ്റങ്ങൾ : നിങ്ങളുടെ ദൈനംദിന കാര്യങ്ങളിൽ വരുത്തുന്ന ലളിതമായ മാറ്റങ്ങളിലൂടെ രോഗലക്ഷണങ്ങൾ ലഘൂകരിക്കാൻ സഹായിക്കും. ഉദാഹരണത്തിന് കമ്പ്യൂട്ടറിന്റെ കീബോർഡ് സ്ഥാനം ക്രമീകരിക്കുന്നത്.

• വ്യായാമം : നിങ്ങളുടെ ലക്ഷണങ്ങൾ മെച്ചപ്പെടാൻ തുടങ്ങുമ്പോൾ ഒരു ഫിസിക്കൽ തെറാപ്പിസ്റ്റിന്റെ സഹായത്തോടെ വ്യായാമങ്ങൾ ചെയ്യുന്നത് നിങ്ങൾക്ക് ആശ്വാസം നൽകുന്നു.

• ശസ്‌ത്രക്രിയ : രോഗം മാറാതെ ഇരിക്കുകയോ അവസ്ഥ കൂടുതൽ മോശമാകുകയോ ചെയ്താൽ നിങ്ങൾക്ക് ശസ്ത്രക്രിയ ആവശ്യമായി വന്നേക്കാം. ഈ അവസ്ഥയെ ചികിത്സിക്കാൻ നിർദ്ദേശിക്കപ്പെട്ട ശസ്ത്രക്രിയ കാർപൽ ടണൽ റിലീസാണ്. ഇത് കാർപൽ ടണലിലെ ഞരമ്പുകളിലെ കംപ്രഷൻ സുഗമമാക്കാൻ സഹായിക്കുന്നു.

നിങ്ങളുടെ കാലിന്റെ പിൻതുടയിലെ ഞരമ്പ് , കൈമുട്ട്, കാൽമുട്ട്, കണങ്കാൽ, തോൾ , കൈ, ഇടുപ്പ്, കഴുത്ത് അല്ലെങ്കിൽ പുറം തുടങ്ങി ശരീരത്തിന്റെ ഒന്നോ അതിലധികമോ ഭാഗത്തെ വേദനയുടെ പ്രശ്‌നങ്ങളുമായി ബന്ധപ്പെട്ട് കൺസൾട്ടേഷനും ചികിത്സയ്ക്കുമായി നിങ്ങൾ ബാംഗ്ലൂരിൽ ഒരു ഓർത്തോപീഡിസ്റ്റിനെ തിരയുകയാണെങ്കിൽ, നിങ്ങൾക്ക് 1 ഹെൽത്ത് മെഡിക്കൽ സെന്ററുമായി ബന്ധപ്പെടാം. ഞങ്ങളുടെ വിദഗ്ധ ഓർത്തോപീഡിസ്റ്റ് ആവശ്യമായ എല്ലാ നിരീക്ഷണങ്ങളും പരിശോധനകളും ശുപാർശ ചെയ്യുകയും പരിശോധനാ ഫലങ്ങൾ ഉപയോഗിച്ച് പ്രശ്നം ലഘൂകരിക്കാൻ നിങ്ങളെ സഹായിക്കുന്ന ഒരു ചികിത്സാ പദ്ധതിയിൽ നിര്ദേശിക്കുകയു ചെയ്യുന്നതാണ്.